“Мөсөн өргөө” ордны төслийн барилгын ажил ид хийгдэж байгаа бөгөөд дээврийн хучилтын огторгуйн хийцийн угсралтын ажлыг хүлээн авах техникийн комисс өнөөдөр энд ажиллалаа. Энэ комисст Захиалагч СА, Эс Ди инженеринг, зураг төсөл зохиогч Анаграмм ХХК -ийн зөвлөх инженер, архитектор зургийн инженерүүд, гүйцэтгэгч НБИК ХХК-ийн удирдлага, төслийн инженерүүд багтдаг бөгөөд тэд барилгын ажилтай танилцав. Комисс угсралтын хийцийн гүйцэтгэлийг шалгасан үзлэгээс дараах дүгнэлт, зөвлөмжийг гаргасан байна. Огторгуйн хийцийн угсралт, бусад төмөр хийцийн ажлын гүйцэтгэл зураг төслийн дагуу угсрагдсан, зарим нэг зүйлийг тодруулах, тооцоог шалгаж хариу ирүүлэх, гүйцэтгэгч дутуу орхисон болон засах ажлыг гүйцэтгэж дуусгаж захиалагчид мэдэгдэх, гүйцэтгэсэн ажлын гүйцэтгэлийн акт, бичиг баримтыг сайтар бүрдүүлж баталгаажуулан захиалагчид хүлээлгэн өгөх зэрэг ажлыг холбогдох хүмүүст даалгалаа.
Жил бүрийн 12-р сард дэлхийн өнцөг булан бүрд өөр өөр найруулга өнгө аястайгаар 100 гаруй жил тоглогдохдоо эдүгээг хүртэл үзэгчдийн зүрх сэтгэлийг булаасаар буй сонгодог урлагийн сор болсон бүтээл бол Щелкунчик билээ. Тэгвэл олон улсад анх удаа Монгол уран бүтээлчийн санаачлагаар медиа арттай хослуулан үйл явдал бүр нь үлгэрийн мэт тодрох “Щелкунчик ба гайхамшгийн орон” медиа арт бүжгэн жүжиг 3 өдрийн турш Степпе Арена Мөсөн Өргөөд танхим дүүрэн үзэгчидтэй амжилттай болж өндөрлөлөө.
Мэдээ / January 4, 2023
Ази тивийн холимог тулааны хамгийн том холбоо болох One Championship-ын албан ёсны эрхтэй холимог тулааны Road to One Mongolia реалити шоу тэмцээний үндэсний ялагч тодруулах финалын тоглолт Улс тунхагласны баярын өдөр Степпе Аренад амжилттай болж өндөрлөлөө.
Мэдээ / November 30, 2022
Монголд анх удаа уран зургийг дижитал хэлбэрт хөрвүүлж 360° хэмжээст 11 метр өндөр дэлгэцээр үзүүлэн электроник урсгалын орон орны артистуудын хөгжмийг дан ганц сонсгох бус харуулж, сонсгож мэдрүүлж чадсан “Хархорум дижитал арт, хөгжмийн фестиваль”-г Степпе Арена ХХК болон Степпе Амюзмент ХХК нар хамтран амжилттай зохион байгууллаа.
Мэдээ / November 30, 2022